නීති හා රෙගුලාසි

ආචාර ධර්ම හා විනය නීති පද්ධතිය

• සියළුම සිසුන් අංග සම්පූර්ණ නිල ඇඳුමින් සැරසී පැමිණිය යුතුය.
• පාසලට පැමිණීමට ප්‍රධාන දොරටුව පමණක් භාවිත කිරීම.
• පෙ.ව. 7.00 ට පෙර පාසලට පැමිණීම.
• පාසලට පැමිණි විගස තම තමන්ට නියමිත පිරිසිදු කිරීමේ කාර්යයන්හි නිරත විය යුතුය.
• පාසලට පැමිණි සියළු සිසුන් පාසල හමාර වන තුරු පාසල තුල රැදී සිටිය යුතුය.
• කිසියම් අවශ්‍යතාවයක් සඳහා පාසලෙන් බැහැර විය හැකි වන්නේ ගුරුභවතුන්ගේ අවසරයක් ඇතිව පමණි.
• පාසලට අයත් කිසිඳු භාණ්ඩයක් විදුහල්පතිතුමාගේ අවසරයකින් තොරව පාසලෙන් බැහැර ගෙනයාම ,නිවසක තබා ගැනීම , සපුරා තහනම්ය.
• ගුරුවරයෙකු පන්තියක නොමැති අවස්ථාවල අනෙකුත් පන්තිවල ඉගෙනීමේ කටයුතු වලට බාධා ඇතිනොවන සේ හැසිරිය යුතුය.
• පන්ති කාමරයෙන් බැහැරව විද්‍යාගාරය, පුස්තකාලය වැනි විශේෂ ඒකක වලට ගමන් කිරීමේදී ගැහැණු පිරිමි ලෙස වෙන්ව එකිනෙකා පසුපසින්  පෙළට ගමන් කළයුතුය.
• වැසිකිළි, කැසිකිළි පාවිචච්චි කිරීම හා ජලය පානය කිරීම කිරීම වැනි හේතු සඳහා යොදාගත යුත්තේ විවේක කාලය පමණි.කාලඡ්චේද මාරුවන අවස්ථාවල එසේ පන්තියෙන් බැහැරවීම නොකළ යුතුය.
• පාසලේදී තමන්ට ඇතිවන ගැටලු භාරකරුවන්ට දැන්වීමට පෙර විදුහල්පතිතුමාට  දැනුම් දිය යුතුය.
• පාසලේ කීර්තී නාමයට හානිවන අයුරින් පාසලේදී හෝ ඉන් බැහැරවී කටයුතු කිරීම සපුරා තහනම්.
• පාසල තුල, පාසල මගින් සංවිධානය කරන ගමන් සහ උත්සව වලදී හැර වෙනත් භාහිර අවස්ථා සඳහා  පාසල් නිල ඇඳුම  භාවිත නොකළ යුතුය.
• පාසල තුළට පොළිතීන් රැගෙන ඒම සපුරා තහනම්.ඉගෙනීමේ කාර්යයන් සඳහා පොළිතීන් රැගෙන ආවේ නම් තමා විසින්ම ඒවා ආපසු රැගෙන  යා යුතුය.
• සියලුම සිසුන් පාසලේ පවත්වන  දෙමාපිය රැස්වීම් වලට තම දෙමව්පියන් හෝ භාරකරුවන් අනිවාර්යෙන්ම සහභාගී කළ යුතුය.
• ජංගම දුරකථන රැගෙන ඒම සහ භාවිතය සපුරා තහනම්.
• විවිධ අවශ්‍යතාවයන් සඳහා භාවිතා කරන භාණ්ඩ පාවිච්චි කිරීමෙන් පසු නැවත එම මුලින් තිබූ ස්ථානයේම තැබිය යුතුය.
• විනය නීති උල්ලංගනය කරන සිසුන්ට අදාල පරීක්ෂණයකින් පසු සුදුසු පරිදි කටයුතු කිරීමේ බලය විදුහල්පතිතුමා සහ විනය මණ්ඩලය සතුය.