විදුහල්පති පණිවිඩය

සබරගමුව  පළාතේ, ඇඹිලිපිටිය කොට්ඨාසයේ නව ජාතික පාසලක් ලෙස පත්ව ඇති අපගේ පාසල , “ළගම පාසල හොඳම පාසල ”ව්‍යාපෘතිය  යටතේ  සංවර්ධනය වූ පළාත තුළ ඇති ජනප්‍රිය පාසලකි. සිසුන් 1600  ක් පමණ සිටින භෞතික වශයෙන් සම්පත් බහුල, විවිධ ආකාරයේ දක්ෂතාවයන්ගෙන්  හෙබි සිසුන් සිටින, එමෙන්ම අධ්‍යාපනික ,ක්‍රීඩා ,සෞන්දර්යය යන විවිධ අංශ වලින් කලාප පළාත් හා ජාතික මට්ටමේ දක්ෂතා හිමිකරගත්  දරුවන් සිටින ග්‍රාමීය පාසලකි.

වර්තමානයේ ගෝලීයකරණයත් සමඟ තොරතුරු හා සංනිවේදන  තාක්ෂණ ක්ෂ්‍රේත්‍රය විශාල දියුණුවක් ලබා ඇත.එම නිසා රාජ්‍ය පෞද්ගලික සියලු ආයතන තාක්ෂණික මෙවලම් මත කටයුතු කිරීමට පෙළඹී ඇත.පාසලේ තොරතුරු සාම්ප්‍රධායික පොත්පත් වල තබාගන්වාට වඩා නවීන ක්‍රමය යටතේ පාසලේ අනන්‍යතාව සහිත වෙබ් අඩවියක් තුළ පවත්වාගෙන යාම කාලීන යැයි මා සිතමි.ඒ තුළින් ඕනෑම පාර්ශවයකට, ඕනෑම අවස්ථාවක ආකර්ෂණීය ලෙස පාසලේ යාවත්කාලීන වූ තොරතුරු ලබා ගැනීමට හැකියාව ලැබේ.

මෙම වෙබ් අඩවිය සෑදීමට මඟපෙන්වූ “සයිබර් ලොවට  පියාපත් ” ව්‍යාපෘතියේ කණ්ඩායමටත්, ඒ සඳහා ඇපකැප වී කටයුතු කළ  පාසලේ තොරතුරු තාක්ෂණ ගුරුභවතුන් හා එ් සඳහා සහභාගී වූ සිසුන් කණ්ඩායමටත්  නන් අයුරින් සහයෝගය දැක්වූ සියලු දෙනාටමත් මාගේ ස්තූතිය පුද කරමි.